Државниот просветен инспектор Илбер Зенку со дрско и непрофесионално однесување кон новинар на Порталикс

По објавувањето на сторијата за наставничката од Теарце, која и покрај магистерските студии била одбиена на конкурсот во ОУ „Еќрем Чабеј“, во редакцијата на Порталикс се јави просветниот инспектор Илбер Зенку, кој се споменува во видеото.

Зенку обвини дека изнесените наводи не се точни, односно дека „лажеме“, тврдејќи дека не го дели истиот став со директорот.

Ваквата реакција остава впечаток дека редакцијата непрофесионално ја извршува својата работа, иако пред објавувањето на сторијата се консултиравме со правно лице, кое ни појасни дека Уставниот суд, во одлука донесена во 2020 година, јасно го толкува ова прашање.

Според него, како и според директорот, законската одредба предвидува дека кога на јавен оглас се јавуваат повеќе кандидати, предност имаат оние со повисок степен на соодветно образование и повисок успех во текот на додипломските студии.

Сепак, увидот во решението на Уставниот суд покажува поинаква слика.

Имено, Уставниот суд во својата одлука појаснува дека повисокиот степен на образование претставува клучен критериум за предност, додека успехот од додипломските студии е дополнителен, но не и пресуден фактор.

Ова значи дека магистерските студии треба да претставуваат предност при изборот, а не да бидат занемарени.

Останува отворено прашањето дали во конкретниот случај во Теарце законските одредби се применети правилно.

Порталикс му понуди на Зенку јавно да ги соочиме аргументите, но пред камера, тој ни „нареди“ да го коригираме видеото.

Вратата на Порталикс е отворена за секого, особено за оние што мислат дека се погрешно пренесени или дека им е нанесена каква било неправда.

Но, Порталикс не прима наредби од никого.