Поткатегорија
Фирмата на Миа Милошевска добила 1,85 милиони денари од Државна лотарија само два месеца пред милионскиот проект за прославата на независноста. Таа и натаму не се појавува во јавноста, а за спонзорството во нејзино име одговара татко ѝ Бобан Милошевски.
Компанијата на Миа Милошевска, ќерка на Бобан Милошевски од „Авалон“, добила 1,85 милиони денари од Лотаријата во февруари, а само два месеци подоцна била избрана на јавен оглас за организација на програмата за одбележувањето на независноста. Владата не открива колку дополнително чинела организацијата.
За Програмата за инвестиции во животната средина за 2025 година се издвоени средства за кои постојат сомневања дека биле доделени спротивно на законот. Сомнежите произлегуваат од тоа што за соодветните мерки, како што се наведува, не бил донесен претходен акт за одобрување на државната помош. Меѓу корисниците се и седум компании на кои им биле доделени вкупно 1,65 милиони денари, додека останатиот дел од средствата бил доделен на здруженија. Комисијата сè уште нема утврдено дали средствата навистина биле доделени незаконски.
Околу 6 милиони евра би можело да ја чини Северна Македонија раскинувањето на договорот со компанијата од Босна и Херцеговина, „Енергоинвест“, која првично беше ангажирана за изградба на 400 kV интерконективниот вод Северна Македонија–Албанија.