Командирот на полицијата во Полициската станица во Чаир, кој треба да биде пример во сообраќајот е вмешан во скандал. Поточно во официјалната белешка се наведува дека командирот, кога стигнал на терен со службеното возило, бил во алкохолизирана состојба. Тој ги навредил полицајците со пцовки и погрдни зборови и потоа им наредил тие да се вратат во станицата.
Случајот бил пријавен во Внатрешна Контрола во 14:00 часот, додека надлежните органи пристигнале во станицата во 18:00 часот.
Во друг извештај, полицајците нагласуваат дека имаат точни информации дека командантот поминал неколку часови во ресторан, од 09:30 до 11:40, со службеното возило и за време на работното време.
Меѓутоа, Министерството за внатрешни работи вели дека е отворена истрага за овој случај и дека се работи на целосно разјаснување на случувањето.
„По извршените провери во надлежните организациски единици согласно податоците со кои располагаме, ве информираме дека одделот на внатрешна контрола, криминалистички истраги и професионални стандарди има оформени предмет и во моментов постапува по наводите од поднесената претставка“, велат од МВР.
