Целосно е изгаснат пожарот на депонијата во Арачиново кој вчера попладне избувна, иако сè уште може да се забележи чад од неколку места.
„По неколкучасовно гаснење со специјална пена, скопските пожарникари успеаја целосно да го изгаснат пожарот на депонијата во близина на Харачине, иако сè уште има чад на одредени локации,“ информираат од Дирекцијата за заштита и спасување.
Пожарот во депонијата во Арачиново избувна вчера попладне, и првите сомнежи се дека се работи за подметнат пожар.
Според Центарот за управување со кризи, од 7:00 часот утринава на територијата на државата има вкупно 25 пожари на отворено, од кои еден е активен, пет се ставени под контрола, а 19 се изгаснати. Активен е само пожарот во општина Долнени, во селото Долгаец кај местото наречено Тутуница, каде што гори ниска вегетација.
Под контрола се пожарите во:
- Општина Прилеп: с. Дабница и ридскиот венец Три багрема (ниска вегетација и отпад);
- Општина Гевгелија: планина Кожуф (подземен пожар);
- Општина Студеничани: с. Малчиште – с. Осинчани (ниска вегетација и деградирана шума);
- Општини Чучер Сандево и Липково: с. Малино, с. Тануш и с. Ллукар (мешана шума);
- Општина Делчево: депонијата во Острицa (депонија).
Изгаснати се пожарите во:
- Општина Бутел: депонијата во Визбегово (отпад) и бул. Босна и Херцеговина (ниска вегетација);
- Општина Чаир: кај Водовод Скопје (ниска вегетација);
- Општина Македонски Брод: над с. Бенче на планината Добра Вода (дабова шума и папрат);
- Општина Штип: с. Љуботен (ниска вегетација, зафатена една куќа и три амбари) и с. Видовиште (ниска вегетација);
- Општина Демир Хисар: с. Суводол (ниска вегетација и отпад);
- Општина Петровец: с. Ржаничино – с. Таор (ниска вегетација и трска);
- Општина Битола: с. Ушичи (отпад);
- Општина Кривогаштани: с. Подвис (ниска вегетација);
- Општина Кичево: Кичево (депонија), с. Пополжани (слама) и с. Зајас (слама);
- Општина Тетово: кај „Центрум“ (нива);
- Општина Желино: старата патека Тетово-Желино (гуми);
- Општина Куманово: с. Љубодраг (ниска вегетација и слама);
- Општина Гевгелија: с. Давидово (граници и слама);
- Општина Харачине: с. Харачине (депонија);
- Општина Старо Нагоричане: с. Ругинце (ниска вегетација).
