На Бурхан со количка не му е дозволено да се качи во автобус, прашува дали е товар за општеството?
Бурхан Бектеши од Визбегово, Скопје, пријави возач на јавен автобус дека повеќе пати му оневозможил да се качи во автобус. Според она што го напиша во својата објава на Фејсбук, тој повеќе пати бил оставен на автобуска постојка, на дожд и на сонце, и доцнел на работа, но и покрај неговите барања, возачот бил тврдоглав.
„Се чувствувам помалку од човек, помалку од граѓанин, помалку од улично куче… Бидејќи едно куче има повеќе слобода да шета низ градот отколку јас што сум во инвалидска количка“, пишува во својата реакција Бурхан Бектеши.
„Јас, Бурхан Бектеши, граѓанин на Скопје и корисник на јавен превоз, ја поднесувам оваа јавна и отворена жалба против возачот на линијата број 19 (Скопје – Шуто Оризари – Визбегово).
Овој возач, постојано одбива да ме земе во автобус само затоа што сум во инвалидска количка. Не само што не ме почитува, туку неколкупати се осмелил и да ме закани, викајќи и изјавувајќи дека никогаш повеќе нема да ме земе во неговото возило.
Директни последици од овој дискриминаторски однос се:
– Останував на улица на дожд и на сонце.
– Повеќепати доцнев на работа.
– Бев доведен во ризик да ја изгубам работата само поради несовесноста на овој возач.
Неправдата не ми штети само мене како лице во количка, туку ја загрозува мојата егзистенција, работата и достоинството.
Праќам прашање со солзи во очите и револт во срцето:
Има ли нешто пониско од ова? Дали е исправно човек во количка да се третира како товар, а не како граѓанин со еднакви права?
Ако една држава не ги почитува своите граѓани со попреченост, тогаш каква вредност имаат законите, каква вредност има самиот збор „држава“?“, пишува Бектеши.
Тој побара од институциите разрешување на возачот и воспоставување на заштитни механизми за оваа категорија граѓани.
„Барам итно:
-
Отстранување или суспендирање на овој возач од работа, за никогаш повеќе да не се осмели да навредува и дискриминира граѓани.
-
Заштитни механизми за лицата со попреченост кои користат јавен превоз.
-
Институционална одговорност – да не се затвораат очите пред овој срам.
Овој апел не е само за мене, туку за секој граѓанин во количка кој денес или утре ќе се најде во иста ситуација“, додава Бектеши.ПорталX
