Комората на извршители врши притисок врз PortaliX, ги бара материјалите од инцидентот на Јакимовска

По физичкиот напад на извршителката Весна Јакимовска врз тимот на PortaliX и полицијата, Комората на извршители реши да застане зад извршителката Јакимовска и да не се огради од нејзиното однесување.

Тоа не е се. Тие се обидуваат да извршат притисок врз PortaliX. Преку мејл испратен на нашата адреса денеска ги побараа видео материјалите од нападот на Јакимовска врз нашиот тим во Кичево.

„Имајќи предвид дека целиот настан е снимен, ве замолуваме во најкраток можен рок да го доставите комплетниот материјал интегрално до Комората на извршители, што се случи на 21.03.2024 година во Кичево, каде што беше снимен извршител Весна Јакимовска. “, се вели во мејлот на Комората.

Но, PortaliX нема законска должност да ги достави овие материјали до Комората, бидејќи тој не е истражен орган или суд.

ПорталиХ го смета ова барање како директен напад на слободата на говорот и обид за заплашување на нашиот тим.