Широка полициска акција спроведена во текот на ноќта во Скопје и Куманово резултираше со апсење на поранешниот директор и висок функционер на ДУИ, Бујар Дардишта. Тој се сомничи за вмешаност во активности на перење пари и економски криминал.
Првичните информации укажуваат дека акцијата е реализирана од 17 кон 18 декември 2025 година и опфатила претреси на неколку локации. За време на операцијата се приведени над десет лица, за кои постои сомнеж дека се дел од поширока финансиска криминална мрежа.
Операцијата ја водела Единицата за борба против организиран криминал при Бирото за јавна безбедност, а активностите се одвивале под директен надзор на Јавното обвинителство за гонење организиран криминал и корупција.
Надлежните сè уште не изнесоа дополнителни детали за случајот, нагласувајќи дека истрагата е во активна фаза и дека во текот на денот се очекуваат попрецизни информации за обвиненијата и понатамошните процесни мерки.
