Пропусти во процесот на гласање во Кичево, Северна Македонија.
Покрај неколку технички пропусти кои беа надминати иако го попречија изборниот процес за неколку минути, посериозен проблем излегува да биде фактот што многу иселеници не успеваат да се најдат на избирачкиот список, што не можат да го остварат своето право на глас.
Таков е случајот и со Сенад Елези, кој за ПорталХ изјави дека допатувал од Германија.
„Ништо друго не ме интересира. Ме интересира моето право што ми беше ускратено. Дојдов од Германија. Го ставив прстот, скенерот не функционираше воопшто. Пробавме со пасош, пробавме со лична карта, ниту на списокот ме имаше… Потоа отидов и до ОИК, тие потоа испратија емаил до ДИК и добија одговор дека Сенад Елези нема адреса на живеење, иако со истите документи имав право на глас на последните парламентарни избори“, изјави Елези.
