Претседателот на Република Словачка, Петер Пелегрини, денеска престојува во официјална посета на Република Македонија. На свечена церемонија во Кабинетот на претседателката Гордана Сиљановска-Давкова, тој ќе биде пречекан со највисоки државни и воени почести, по што ќе се одржи тет-а-тет средба, а потоа и пленарен состанок меѓу двете делегации.
Министерот за надворешни работи и надворешна трговија, Тимчо Муцунски, и словачкиот министер за економија, Владимир Шимоњак, ќе потпишат меморандум за соработка во економската сфера. По потпишувањето, ќе следи заедничка прес-конференција на претседателката Сиљановска-Давкова и претседателот Пелегрини.
Во рамките на посетата, Пелегрини ќе ја посети и Собраниската зграда каде ќе има средба со претседателот на Парламентот, Африм Гаши, а потоа ќе положи венец на гробот на Гоце Делчев во црквата „Св. Спас“ во Скопје.