Повеќе од 2.000 студенти не ги добија навреме парите за субвенциониран студентски оброк на почетокот на академската година.
Според информациите од платформата за заштита на студентите „Студентарија“ и од Министерството за образование и наука (МОН), причината е што дел од факултетите не ги доставиле навреме списоците со запишани студенти до Министерството, поради што на многумина привремено им е укинато правото на студентски оброк.
„Секој месец кога студентите аплицираат за оброк, Министерството ги ажурира податоците. Доколку студентот ги прекине студиите или го изгуби статусот, неговото право се укинува“, објаснува Гоше Николов од „Студентарија“.