Во 11 од вкупно 44 општини каде што изборната трка заврши во првиот круг од локалните избори во РСМ, се поднесени приговори. ДИК овие приговори ќе ги разгледува на денешната и утрешната седница, а врз основа на донесените одлуки – или, во случај на жалба, и на Управниот суд – ќе биде утврден конечниот резултат, информира PortaliX.
Како што соопшти ДИК, меѓу општините каде што се оспоруваат резултатите се Харачине, Бутел, Чаир и Чашка. Дополнително, резултатите сѐ уште не се официјални во Богданци, Босилово, Велес, Гази Баба, Кривогаштани, Прилеп и Ресен.
Вкупно се поднесени 57 приговори за сите 11 спорни општини, од кои 37 се однесуваат на начинот на броење на гласовите, додека останатите се поврзани со самиот изборен процес. PortaliX.