Албанците во Министерството за политички систем без здравствено осигурување, обвинувања за притисоци и „удбашки“ методи на Стоилковиќ

Вработените Албанци во Министерството за политички систем и односи меѓу заедниците се соочуваат со загрижувачка ситуација, откако според пријави кои пристигнаа до редакцијата, дел од нив останале без здравствено осигурување.

Според овие информации, иако вработените продолжуваат да ги добиваат своите плати, придонесите за здравствено осигурување не им се уплаќаат, со што тие остануваат надвор од јавниот здравствен систем. Како последица, тие не можат да ги користат здравствените услуги во јавните здравствени установи, лековите ги купуваат приватно, а не можат ниту да користат боледување.

Извори велат дека оваа состојба е само дел од притисоците со кои се соочуваат вработените Албанци во оваа институција. Според пријавата, врз нив продолжува мобингот и постојаниот притисок, а одговорноста за оваа клима ја поврзуваат со министерот Иван Стоилковиќ, тврдејќи дека се користат методи кои ги нарекуваат „удбашки“.

Вработените бараат итна реакција од надлежните институции за да се утврди зошто не се уплатуваат придонесите за здравствено осигурување и да им се врати правото на здравствени услуги и социјална заштита.

До моментот на објавување на оваа вест нема официјална реакција од Министерството за политички систем и односи меѓу заедниците во врска со овие наводи.ПорталX