По оставката на Зеќирија Ибрахими од функцијата претседател на Алтернатива, раководењето со партијата го презема Беким Сали. Тој им упати повик на членовите на Алтернатива и на коалицијата ВЛЕН да останат обединети и да ја продолжат започнатата работа, нагласувајќи дека политичките процеси бараат заедничка енергија и волја.
Сали истакна дека единството и политичката зрелост ќе бидат клучни во периодот што следува.
Во своето обраќање, тој му се заблагодари на Зеќирија Ибрахими за неговиот придонес и улога во партијата, додавајќи дека тој останува важна референтна точка за Алтернатива.
„Ова е наш заеднички момент. Ве повикувам сите да останеме обединети и решителни, за работата да продолжи со нова енергија. Професоре Зеќирија, ви благодарам за довербата, поддршката и пријателството. Вашата улога не завршува, само ја менува формата“, порача Сали.
