По пријавата на PortaliX за хаосот што се создаваше на булеварот „Бригада Македонско – Косоваре“ во Скопје, во близина на Меѓународниот Балкански Универзитет, утрово тротоарот на оваа улица конечно е ослободен за пешаците и велосипедистите.
За разлика од долг период наназад кога десетици автомобили беа паркирани долж оградата на факултетот, сега тротоарот е целосно прооден, а возилата се движат исклучиво по коловозот.
Оградата ја постави полицијата, која за нашиот портал најави дека ќе преземе итни мерки за да не биде загрозена безбедноста на пешаците, особено на децата.
Да потсетиме, пред неколку дена загрижен родител ни испрати фотографии на кои се гледаа деца како се движат по коловозот, ризикувајќи ги нивните животи. Причина за тоа беше што немаа каде да поминат поради паркираните возила на тротоарот.
Родителот дури и протестираше заедно со своите две деца на улица, но надлежните тогаш не презедоа мерки.PortaliX
