Во последно време на булеварот „Македонско-Косовска Бригада“ во Скопје се случува една загрижувачка појава.
Поради возилата паркирани на тротоарот пред Меѓународниот Балкански Универзитет (IBU), пешаците и велосипедистите немаат простор за движење, поради што се принудени да се движат по главната улица.
Оваа улица, освен што е една од најглавните во Чаир, нема ниту посебна патека за велосипеди, што дополнително ги загрижува родителите.
Еден од нив се обрати до PortalX, барајќи реакција од институциите пред да се случи некоја несреќа или трагедија.
„Ова се снимки од моите деца како се обидуваат да ги заобиколат возилата паркирани на тротоарот. Како родител бев потресен и решив да се жалам во Деканатот на IBU, но не добив никаков одговор, туку само изговори. Ја известив и полицијата, која воопшто не одговори на моето барање. Продолжив да се јавувам 9 пати во рок од 3 часа и на крај решив да протестирам со моите деца на велосипеди, блокирајќи ја улицата. За жал, ниту една надлежна институција не реагираше. Морав да го напуштам местото поради замор на децата, но нема да престанам да барам решение за ослободување на тротоарите кои секојдневно ни го загрозуваат животот“, изјави Бујар Рама за PortalX.
Тој сподели и докази од неуспешните обиди со полицијата.
Се дознава дека возилата се паркираат на тротоарот затоа што паркингот на кампусот на IBU е ставен под наплата, што предизвикува револт кај студентите.
PortalX испрати прашање до Министерството за внатрешни работи и до IBU, но до објавувањето на текстот не добивме одговор.
