Министерството за внатрешни работи, запрашано од PortalX за опасната појава на булеварот „Македонско-косовска бригада“, соопшти дека ќе бидат преземени соодветни мерки.
„Ве известуваме дека СВР Скопје ќе преземе соодветни мерки и активности на локацијата која ја споменувате“, изјавија од МВР.
Од друга страна, еден родител се обрати до PortalX со жалба дека секојдневно се загрозени неговите деца, бидејќи при возење велосипеди се принудени да се движат по главниот пат, затоа што тротоарите на оваа фреквентна улица се блокирани од возилата на студентите на ИБУ.
