Австрискиот европратеник Томас Вајц испрати јасна порака до Скопје: по локалните избори се очекува Северна Македонија да го направи чекорот што Брисел одамна го бара – уставни измени со кои бугарската заедница ќе се внесе како малцинство.
Во интервју за Европската новинска агенција (ENR), Вајц нагласи дека тоа е „клучот за вистинскиот почеток на пристапните преговори“, предупредувајќи дека секое одложување може да ја поткопа довербата во процесот на евроинтеграција.
„Процесот на пристапување е отворен, но во суштина преговорите сè уште не започнале. Време е земјата да го направи следниот чекор и да остане на европскиот пат,“ изјави Вајц.
Изјавата доаѓа веднаш по завршувањето на првиот круг од локалните избори, во период кога повторно се очекува отворање на темата за уставните измени.
