Владо Петров, пензиониран полицаец и поранешен главен инспектор за сообраќај, кој беше осомничен дека потпишал документ поврзан со паркинг-просторот пред ноќниот клуб „Pulse“ во Кочани, почина. Веста ја соопшти Независниот синдикат на полицијата.
„Петров целиот свој работен век го посвети на служба и заштита на граѓаните. За жал, не ја дочека правдата. Тој беше еден од осомничените во случајот со трагичниот пожар во ноќниот клуб ‘Pulse’ во Кочани“, се наведува во соопштението на Македонскиот полициски синдикат.
Истражната постапка за случајот ја води Основното јавно обвинителство за гонење на организиран криминал и корупција против 30 полициски службеници од Одделот за внатрешни работи Штип и Полициската станица Кочани.
