Детали за синоќешната вооружена кражба во Гостивар, каде неколку маскирани лица ограбија златарница во центарот на градот.
Портпаролот на полицијата во Гостивар, Фатмир Реџепи, изјави дека сторителите одзеле околу 18 килограми злато со проценета вредност од 1,8 милиони евра.
„Вчера во Гостивар беше ограбена златарница, при што крадците одзедоа 18 килограми злато во вредност од 1,8 милиони евра. Возилото што било користено при грабежот е пронајдено запалено на патот кон Маврово“, изјави Реџепи.
Тој додаде дека возилото е испратено на вештачење, додека сторителите сè уште се во бегство.
