Делегацијата на Европската Унија во Албанија оцени дека земјата може да ја оствари амбициозната цел да ги затвори преговорите за членство во ЕУ до крајот на 2027 година.
Во соопштение објавено на социјалните мрежи, ЕУ му честиташе на премиерот Еди Рама и на новиот владиен кабинет, кој официјално го започна мандатот на 19 септември.
„Честитки до премиерот Еди Рама и сите министри за преземањето на функцијата. Со постојан напор за усвојување и спроведување на неопходните реформи преку транспарентни и инклузивни процеси, Албанија може да ја постигне амбициозната цел за затворање на преговорите за членство до крајот на 2027 година. Очекуваме да соработуваме со сите албански актери за да се достигне овој историски момент, во корист на албанските граѓани“, се наведува во соопштението.
Congratulations to Prime Minister @ediramaal and all Ministers on their taking office. With a sustained effort in adopting and implementing the necessary reforms through transparent and inclusive processes, Albania can achieve its ambitious goal of closing EU accession…
— EU in Albania (@EUinAlbania) September 22, 2025
Албанија е земја кандидат за членство во Европската Унија од 2014 година и досега одржа неколку меѓувладини конференции со ЕУ за отворање на поглавјата од преговорите.
