„На почетокот на 80-тите години, комунистичката власт започна со рушење на куќите. Тука дојдоа со рушење и ги изградија овие згради од црвена тула. Бидејќи во 80-тите години имаше силна фаза на притисок врз Албанците. Почнаа со рушење на куќите овде, а потоа продолжија со идејата за рушење на дворните ѕидови, кои беа дозволени максимум до сто и дваесет сантиметри. Но, овој процес беше запрен, затоа што населението од Дижон презеде патување до Белград за да се пожали во Претседателството на Сојузот на комунистите на Југославија. По тоа, акцијата за рушење беше прекината“, раскажува носителот на листата за општински советник од редовите на ВЛЕН во Чаир, Мухамед Муртези, пред албанскиот архитект од Истанбул, Бајрам Вардар.
Муртези го запозна архитектот со маалото, додека архитектот посочува што може да се направи за да се промени хаотичната состојба на инфраструктурата и густо населените населби. Архитектот продолжува и со средба со жителите и носталгично потсетување на своето родно место.
„Овој гостин го имаме од Турција, од Истанбул и Бурса, но тој е наш Албанец кој живее и работи таму. Јас, инаку, веќе една недела сум малку вклучен во политиката, се ангажирав за општина Чаир. Сум носител на листата за советник и се надеваме со градоначалникот, господин Меџити, да донесеме добра поддршка за Чаир и за Дижон. Се надеваме на промени, заеднички да направиме нешто за Чаир,“ изјави Муртези.
