30 семејства кои живеат во стамбена зграда на улица Србо Томовиќ 31 во Куманово веќе 15 месеци живеат во фекалии поради отворена нелегална шахта од еден сосед од друга улица. Од смрдеата не можат да живеат во сопствените домови а нивните деца веќе почнаа да добиваат и инфекции. Освен смрдеата сега тие се плашат од уривање на стамбената зграда затоа што јавното претпријатие направи план како да се изгради каналот преку темелот на зградата, сепак по копање од страна на една приватна фирма е оштетена една цевка и работите на каналот стопираа.
Жителите кои со години живеат во стамбената зграда не дале согласност да се гради околу нивната зграда поради безбедносни причини. Директорот на Јавното претпријатие Оливер Стојмановски наместо да даде одговори на новинарските прашање тој се обиде да не заклучи во неговата канцеларија.
За повеќе детали погледнете ја целата сторија на јутуб каналот на Порталикс.
