Сообраќајот на сите државни патишта се одвива без проблеми, по суви коловози. Интензитетот на сообраќајот на патиштата надвор од урбаните средини е со среден интензитет. На граничните премини, на македонска страна нема подолги задржувања за влез и излез од државата.
Авто Мото Сојузот на Македонија (АМСМ) препорачува прилагодена брзина, почитување на поставената сообраќајна сигнализација и внимателно управување со возилата, особено на патиштата низ клисури и котлини, каде што постои можност за одрони. Ова особено се однесува на делниците Катланово – Велес, Маврово – Дебар – Струга, Виница – Берово и Кочани – Делчево.