Komisioni Shtetëror i Zgjedhjeve (KSHZ) sot në kuadër të vazhdimit të mbledhjes së 150-të i publikoi rezultatet përfundimtare nga Zgjedhjet Lokale për gjithsej 44 komuna. Në 33 komuna do të ketë rreth të dytë të votimit më 2 nëntor.
“Njëmbëdhjetë komuna përfshihen në 33 komunat për të cilat të enjten përfunduam rezultatet përfundimtare për zgjedhje për kryetarë të komunave, ku zgjedhjet kanë përfunduar në rrethin e parë. Me publikimin e sotëm të 11 komunave për zgjedhje të kryetarëve të komunave në rrethin e parë dhe 33 të kaluarve nga enjtja e kaluar ku nuk kishte ankesa, gjithsej janë përfunduar 44 komuna ku është kryer zgjedhja e kryetarit të komunës në rrethin e parë të zgjedhjeve. Mbeten edhe 33 komuna të cilat do të shkojnë në rrethin e dytë”, tha kryetari i KSHZ-së, Boris Kondarko.
Në lidhje me zgjedhjen e anëtarëve të këshillave të komunave dhe Këshillin e Qytetit të Shkupit, Kondarko njoftoi se vetëm në Komunën Shuto Orizarë do të përsëritet votimi më 2 nëntor për zgjedhjen e anëtarëve të Këshillit.
Pas votimit të zbatuar më 19 nëntor, ndërsa pas skadimit të afateve ligjore për parashtrimin e padisë në Gjykatën Administrative pas ankesave në procedurë për votim dhe në procedurë për konfirmimin dhe grumbullimin e rezultateve të votimit, KSHZ i publikon rezultatet përfundimtare për komunat në të cilat nuk janë parashtruar padi në Gjykatën Administrative pas ankesave për zgjedhje të anëtarëve të Këshillit të Komunave dhe anëtarëve për Këshillin e Qytetit të Shkupit.
“Mbeti vetëm një komunë me tre vendvotime në të cilat janë anuluar rezultatet nga Gjykata Administrative – në Komunën Shuto Orizarë. Pas simulimit të bërë, është konfirmuar se ka mundësi të ketë ndikim teorik të votuesve të regjistruar në këto tre vendvotime për ndarjen e mandateve në Këshill. KSHZ në bazë të të dhënave, sipas vendimeve të Gjykatës Administrative për anulimin e votimit, vendosi që votimi në këto tre vendvotime në Komunën Shuto Orizarë për zgjedhjen e anëtarëve të Këshillit të përsëritet më 2 nëntor”, tha Kondarko.
