M-NAV SHA Shkup sot përsëriti në një kumtesë se Sindikata Profesionale e Kontrollorëve të Fluturimeve SPKF, organizimin e mundshëm të grevës për mbrojtjen e të drejtave të punësimit, mund ta realizojë vetëm përmes Sindikatës së Pavarur, degë e së cilës është.
Në lidhje me grevën që duhej të mbahet në datën 20 të këtij muaji në periudhën nga ora 10 deri në 15, Gjykata Civile solli masa për ndalesë kohore, pardje konferencë për media mbajti përfaqësuesi juridik i M-NAV avokati Goran Nikolloski, pas së cilës konferencë për media pati edhe kryetari i SPKF-së Aleksandar Tasevski.
M-NAV sot, në reagim ndaj deklaratës së djeshme të Tasevskit, deklaron se “e falënderon publikisht për njohjen e tij se greva e shpallur nga SPKF – Dega e Sindikatës së Pavarur për Trafik dhe Komunikacion për 20 tetor 2025, ndërsa e ndaluar si e paligjshme nga Gjykata Themelore Civile e Shkupit, është e paligjshme dhe se ai është i vetëdijshëm se po vepron jashtë ligjit”.
“Në atë konferencë për shtyp zotëri Aleksandar Tasevski deklaroi se: – Kërkesat për mbrojtjen e të drejtave të punëtorëve nga marrëdhënia e punës, si arsye për organizim të grevës janë dorëzuar që në vitin 2023 dhe drejtorët t’i kërkojnë përmes arkivave të M-NAV. Njëherit i pyetur nga ana e gazetarëve nëse sërish shkojnë në grevë në njoftimin e radhës do të theksohen kërkesat për mbrojtjen e marrëdhënies së punës dhe do të zbatohet hetimi i pajtimit, zotëri Aleksandar Talevski deklaroi se nuk mund t’i theksojnë kërkesat për mbrojtje nga marrëdhënia e punës, për arsye se në atë rast do të duhet të fillojë procedurë e re e pajtimit. Lidhur me akuzat e bëra nga Aleksandar Tasevski e falënderojmë publikisht për pranimin e tij se greva e njoftuar nga ana e SPKF-Dega e Sindikatës së pavarur për Trafik dhe Lidhje për ditën 20.10.2025, dhe i ndaluar si i paligjshëm nga ana e Gjykatës Themelore Civile Shkup, është i paligjshëm dhe se Aleksandar Tasevski është i vetëdijshëm se vepron jashtë ligjit”, thuhet në kumtesën e M-NAV.
Aleksandar Tasevski, thuhet në kumtesë, publikisht e pranoi se me vetëdije zbaton një sulm ndaj M-NAV SHA Shkup, përkatësisht se me vetëdije e rrezikon dhe fut pasiguri në sektorin e trafikut ajror dhe me vetëdije e prish reputacionin e M-NAV SHA Shkup dhe të shtetit në tërësi.
“Pranime të tilla konfirmojnë edhe një herë se kjo është çështje politike personale dhe dëshirë për vetëpromovim nga Aleksandar Tasevski. Gjithashtu, pretendimet e Aleksandar Tasevskit se ligji përcakton që çdo sindikatë vertikalisht, qoftë sindikatë punëdhënësish, sindikatë dege apo federatë sindikale, ka të drejtë të organizojë grevë, i referohen ekskluzivisht Sindikatës së Pavarur për Transport dhe Lidhje, dhe jo Degës SPKF, duke pasur parasysh se Dega nuk është sindikatë, nuk ka personalitet juridik dhe organizimi i mundshëm i një Greve si mbrojtje e të drejtave të punësimit mund të realizohet vetëm përmes Sindikatës së Pavarur, degë e së cilës është”, njoftoi M-NAV.
SPKF njoftoi se do të apelojë vendimin e Gjykatës Civile për një masë të përkohshme për ndalimin e grevës, si dhe se do të kërkojë që çështja të kthehet përsëri në seancë për të paraqitur mbrojtjen e saj. SPKF kërkon respektimin e Marrëveshjes së nënshkruar pas shpalljes së grevës në vitin 2023. Kërkesat kryesore të SPKF-së janë angazhimi i një firme konsulence që do të kryejë profesionalisht një analizë funksionale për të përmirësuar funksionimin e kompanisë, punësim të personelit profesional, dhe jo, siç pretendojnë ata, partiak, në konkurset për të cilat kërkuan anulimin, si dhe kushte më të mira pune.
