Qeveria e Shqipërisë ka miratuar vendimin për dhënien e një bonusi të fundvitit për pensionistët, për të cilin është përcaktuar një fond prej 9,4 miliardë lekësh, që i korrespondon rreth 97 milionë eurove.
Rreth 765 mijë pensionistë do të përfitojnë nga ky bonus, të ndarë në dy grupe. Pensionistët me pension mbi 20.000 lekë do të marrin një bonus prej 10.000 lekësh, ndërsa ata me pension nën 20.000 lekë do të marrin një bonus prej 15.000 lekësh.
Një bonus i njëjtë me këtë u shpërnda edhe në dhjetorin e vitit të kaluar, ndërsa gjatë pranverës së këtij viti pensionistët përfituan një tjetër bonus në vlerë prej 5.000 deri në 10.000 lekësh, në varësi të nivelit të pensionit.
