Në Qendrën për Menaxhim me Kriza sot u mbajt takim koordinues me përfaqësues nga të gjitha institucionet kompetente, me qëllim përgatitje dhe koordinim për periudhën e ardhshme dimërore.
Në takim, drejtori i QMK-së, Muhamed Ali, dhe zëvendësdrejtori, Trajçe Jovanovski, theksuan rëndësinë e koordinimit, komunikimit dhe veprimit të përbashkët të gjitha institucioneve që janë pjesë e Sistemit për Menaxhim me Kriza.
U diskutua për gjendjen në terren, parashikimet meteorologjike, gjendjen e rrugëve dhe mundësinë e rrëshqitjeve të dheut apo ortekëve, si dhe për nivelin e ujërave të lumenjve dhe pikave të tjera kritike.
U shqyrtuan edhe aktivitetet e Kryqit të Kuq që lidhen me strehimin dhe ndihmën për personat në rrezik dhe të pastrehët.
Qëllimi i takimit ishte forcimi i koordinimit dhe komunikimit ndërmjet të gjithë subjekteve në Sistemin për Menaxhim me Kriza, për reagim dhe marrje masash në kohë në rast të rreziqeve dhe fatkeqësive të mundshme gjatë dimrit.
U vu theks i veçantë në nevojën për informim të përkohshëm, përdorimin e numrit 112 për thirrje urgjente dhe shkëmbimin e planeve operative ndërmjet institucioneve.
QMK do të vazhdojë me ndjekjen e rregullt të gjendjes dhe me koordinimin e aktiviteteve me të gjitha subjektet kompetente, me qëllim sigurimin e një reagimi të shpejtë dhe efikas gjatë periudhës dimërore që po vjen.
