Shtipi, Kratova, Kriva Pallanka, Vallandova, Dellçeva janë ndër 21 komunat me nga dy kandidatë për kryetar komune dhe me shumë gjasa atje qytetarët do të zgjedhin njeriun e parë të vetëqeverisjes lokale që javën e ardhshme. Zgjedhje lokale për 80 komuna dhe për Qytetin e Shkupit janë caktuar për të dielën, më 19 tetor.
Nga dy kandidatë për kryetar të Komunës së Bogorodicës ku përballje zgjedhore do të kenë Bllazhe Shapov i mbështetur nga koalicioni i LSDM-së dhe Marjan Peev VMRO-DPMNE, në Bogovinjë – Feti Anazi nga VLENI dhe Besnik Emshi nga AKI, në Bosillovë, Mariçe Karmaziçeva nga LSDM dhe Risto Mançev nga VMRO-DPMNE, Vallndovë, Pero Kostadinov nga LSDM-ja dhe Gjoko Kamçev nga VMRO-DPMNE, Vasillevë Sllave Andonov VMRO-DPMNE dhe Vanço Novosellski nga LSDM-ja, Vrapçishtë, Mehmet Seferi nga VLEN dhe Isen Shabani nga BDI, Gradsko, Kiro Nackov nga VMRO-DPMNE dhe Dragosllav Simonoviq nga LSDM-ja, Dellçevë Ivan Gocevski nga VMRO-DPMNE dhe Dejan Glinxharski i mbështetur edhe nga LSDM-ja, Zhelinë, Blerim Sejdiur nga VLEN-i dhe Emir Sulejmani nga AKI, Zërnovcë, Vanço Mitev nga LSDM-ja dhe Borço Kocev nga LSDM-ja, Karbincë, Viktor Paunov nga VMRO-DPMNE dhe Lubica Sokolovska LSDM, Kratovë, Vllatko Spirovski LSDM dhe Todorçe Nikollovski VMRO-DPMNE, Kriva Pallankë, Sashko Mitovski LSDM dhe Oliver Aleksovski VMRO-DPMNE, Krivogashtan, Igor Karaviloski LSDM dhe Sasho Graoroski VMRO-DPMNE, Likovë, Nexhmedin Sadiki VLEN dhe Erkan Arifi AKI, Mavrovë dhe Rostushë, Anes Ahmeti LSDM dhe Oner Jakupovski VMRO-DPMNE, Novo Sellë, Gjorgje Bozhinov VMRO-DPMNE, Petrovec, Borçe Mitovski VMRO-DPMNE dhe Elizabeta Zelenikovska nga LSDM-ja, Pllasnicë, Elsan Nurçeski Partia Demokratike e turqve dhe Alia Jaoski AKI, Tearcë, Nazim Taipi nga AKI dhe Daut Memishi nga VLEN-i dhe në Shtip janë Ivan Jordanov nga VMRO-DPMNE dhe Pavell Ivanov nga LSDM-ja.
Duke u bazuar në sondazhe zgjedhore dhe llogaritje matematikore, disa ekspertë dhe media besojnë se edhe në komuna të tjera ndoshta zgjedhjet mund të përfundojnë që në raundin e parë, gjegjësisht të zgjidhet kryetari i komunës. Këshilltarët zgjidhen në raundin e parë, përveç aty ku do të ketë përsëritje të votimit.
Nëse në raundin e parë asnjë kandidat për kryetar të komunave nuk e fiton shumicën e votave të nevojshme në përputhje me nenin 132 paragrafi 1 nga Kodi Zgjedhor, në raundin e dytë votohet për dy kandidatët të cilët në raundin e parë kanë marrë më shumë vota. Raundi i dytë i votimeve mbahet në afat prej 14 ditësh nga dita e përfundimit të raundit të parë të votimeve. Në raundin e dytë të votimeve për kryetar komune zgjidhet kandidati që merr numrin më të madh të votave.
Nëse edhe pas raundit të dytë prë çfarëdo arsye, nuk zgjidhet kryetari i komunës, komisioni zgjedhor brenda 15 ditëve pas përfundimit të zgjedhjeve e njofton Qeverinë.
Këshilltarët zgjidhen në raundin e parë të zgjedhjeve dhe gjatë këtij procesi përdoret modeli proporcional, ku shpërndarja e mandateve bëhet sipas formulës D’Hondt-it. Sipas kësaj formule, numri i përgjithshëm i votave të marra për listat e kandidatëve të propozuar ndahet me vargun e pjestuesve 1, 2, 3… deri në numrin e anëtarëve të këshillit që zgjidhen në komunën përkatëse. Kuotat e përfituara renditen sipas madhësisë, duke marrë parasysh ato më të mëdhatë, aq sa është numri i anëtarëve që zgjidhen në këshill. Një listë kandidatësh fiton aq anëtarë në këshillë sa kuota të mëdha ka ndër ato që janë marrë në konsideratë.
Fushata për raundin e dytë të zgjedhjeve fillon menjëherë të hënën më 20 tetor dhe përfundon më 30 tetor në mesnatë, ndërsa raundi i dytë i zgjedhjeve është më 2 nëntor.
