Bashkimi Demokratik për Integrim (BDI) mbrëmë ka mbajtur mbledhjen e 23-të të Kryesisë Qendrore, e udhëhequr nga kryetari Ali Ahmeti. Në takim u diskutua mbi zhvillimet politike në vend, përgatitjet për zgjedhjet lokale dhe referendumin e paralajmëruar për 19 tetor.
Në mbledhje u miratuan tre kandidatura për kryetarë komunash:
- Flamur Gjoleka në Dollnen
- Ali Jaoski në Plasnicë
- Isamedin Azizi në Butel
Nga partia njoftojnë se procesi i përzgjedhjes së kandidatëve për komunat tjera është në fazën përfundimtare.
Sipas BDI-së, referendumi i 19 tetorit shihet si një moment i rëndësishëm politik dhe si pjesë e mobilizimit të Aleancës Kombëtare për Integrim në zgjedhjet e ardhshme.
