Në mbledhjen e sotme të Komitetit Ekzekutiv, VMRO-DPMNE shpalli 16 kandidatët e rinj për kryetarë komunash për zgjedhjet lokale të 19 tetorit.
Kandidatët e përcaktuar sonte janë:
-
Sopište – Jane Micevski
-
Kërçovë – Aleksandar Jovanovski
-
Kriva Pallankë – Oliver Aleksovski
-
Mavrovë-Rostushë – Oner Jakupovski
-
Krivogashtani – Sasho Graorkovski
-
Shuto Orizari – Erdjan Demir
-
Krushevë – Niko Choneski
-
Valandovë – Gjoko Kamchev
-
Vinicë – Mitko Kostadinovski
-
Demir Hisar – Nikola Najdovski
-
Çeshinovë-Obleshevë – Jordan Kostadinov
-
Radovish – Ljupço Pochivalec
-
Çashkë – Dejan Andonovski
-
Prilep – Dejan Prodanovski
-
Strumicë – Petar Jankov
-
Negotinë – Marija Naceva
Për Kumanovë dhe Qendër, VMRO-DPMNE vendosi të mbështesë kandidatët që do të propozojë partia koalicionare ZNAM.
“Jemi të bindur se secili nga kandidatët e zgjedhur ka aftësitë dhe përvojën e nevojshme për të udhëhequr komunën e tij. Ata janë njerëz të respektuar në vendbanimet e tyre, të ndershëm, punëtorë dhe me fjalën e dhënë,” tha sekretari i përgjithshëm i partisë, Gjorgji Sajkovski.
Ai shtoi se qytetarët gjatë këtij viti kanë ndjerë përfitimet e qasjes së re në punë, ku komunat u mbështetën me 250 milion euro për zgjidhjen e problemeve që kanë zgjatur dekada.
“Kandidatët tanë kanë një mundësi të shkëlqyer për të vazhduar rrugën që kemi nisur dhe e kemi udhëhequr këto 4 vite si pushtet lokal dhe 1 vit si qendror. Bazuar në analiza dhe sondazhe brendapartiake, parashikojmë një fitore të re historike në zgjedhjet lokale,” tha Sajkovski, duke theksuar përkushtimin për punë të vazhdueshme në secilin vend./PortaliX
